Нийслэлийн Онцгой байдлын газрын Урьдчилан сэргийлэх хяналтын хэлтсээс олон хүн төвлөрсөн үзвэр, үйлчилгээ, зах, худалдааны байгууллагуудад гүйцэтгэлийн шалгалт хийжээ.
Шалгалтад “Улаанбаатар Палас” ХХК-ний Улаанбаатар Палас үйлчилгээний төв, “Маамуу нааш ир” тоглоомын төв, “Соёмбо Продакшн Энд Травел” ХХК-ний “Соёмбо” кино театр, “Улаанбаатар Синема” ХХК-ний “Тэнгис” кино театр зэрэг дөрвөн объектыг хамруулсан бөгөөд нийт 24 зөрчил илрүүлж, газар дээр нь таван зөрчлийг арилгуулсан байна.
Монгол Улсын Захиргааны хариуцлагын тухай хуулийн 25 дугаар зүйлийн 25.1 дэх заалтыг үндэслэн Улаанбаатар Палас ХХК-ний Улаанбаатар Палас үйлчилгээний төвийг 150 мянган төгрөгөөр, Дуурь бүжгийн Эрдмийн театрыг 60 мянган төгрөгөөр, Хөх хулганы орон тоглоомын газрын албан тушаалтанг 50 мянган төгрөгөөр, нийт дөрвөн субъектыг 260 мянган төгрөгөөр торгож захиргааны арга хэмжээ авч ажиллалаа.
Харин “Соёмбо Продакшн Энд Травел” ХХК-ний Соёмбо кино театрын үйл ажиллагааг зогсоох шийдвэр гаргажээ.
Г.Билгүүн
