Монгол Улс – Бүгд Найрамдах Ардчилсан Солонгос Ард Улсын хооронд дипломат харилцаа үүсч, хөгжсөний 65 жилийн ойд зориулан монгол дахь “КИМЖӨНИРХВА” нийгэмлэгээс санаачлан энэхүү үзэсгэлэнг зохион байгуулж байна.
Монгол дахь “КИМЖӨНИРХВА” нийгэмлэг нь 2012 онд байгуулагдсан ба дайны жилүүдэд солонгос өнчин хүүхдүүдийг асарч хамгаалж өсгөсөн ЦЭРМАА ӨМӨНИ нэрээр солонгосын ард түмэнд танигдаж домог болсон монголын сайхан ээждээ зориулан хүү С.Содбаатар байгуулсан юм.
Энэхүү КИМЖӨНИРХВА цэцэг нь олон улсын цэцгийн нийгэмлэг болон дэлхийн цэцгийн нийгэмлэгийн үнэ цэнэтэй ЦЭЦГИЙН ХААН шагналт цэцэг юм. Бүгд Найрамдах Ардчилсан Солонгос Ард Улсын мөнхийн ерөнхийлөгч КИМ ИР СЕН ЦЭРМАА, ӨМӨНИ-тэй 4 удаа уулзахдаа “Дайны хүнд жилүүдэд манай улсын өнчин өрөөсөн хүүхдийн эхийн хайраар асарч хүмүүжүүлсэн таньд солонгосын ард түмний өмнөөс талархал илэрхийлэе. Та бол миний дотны анд мөн таны энэ үйлсийг солонгосын ард түмэн хэзээ ч мартахгүй” хэмээн хэлсэн байдаг юм. Тиймээс хоёр улсын харилцааны бэлгэдэл болгон ЦЭРМАА ӨМӨНИ, мөнхийн ерөнхийлөгч КИМ ИР СЕН харилцааг энэхүү сайхан цэцгээр илэрхийлж байгаа болно.
Уг үзэсгэлэнд солонгосоос зориулж авчирсан үрээр монголын хөрсөнд ургасан 200 гаруй амьд цэцэг дэлгэгдэх ба үзэсгэлэнг цаашид нийгэмлэг жил бүр гарган ирээдүйд үзэсгэлэн худалдаа зохион байгуулж олсон орлогоороо өнчин хүүхдүүдэд хандивлах зорилгыг агуулж байна.
Уг үзэсгэлэн 2013 оны 10-р сарын 10-14 хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 99153952, 88773410 дугаарын утсаар лавлана уу.
www.URLAG.mn
