Монголын хөгжмийн зохиолчдын холбооноос уламжлал болгон зохион байгуулдаг “Алтан намар 2013” хөгжмийн наадам хаяанд ирлээ. “Алтан намар-2013” хөгжмийн наадам энэ жил 31 дэх удаагаа болох гэж байна.
Дан ганц хөгжмийн томоохон хэмжээний шилдэг бүтээлүүдийг шалгаруулдаг тус наадам нь 1982 оноос өнөөг хүртэл зохион байгуулагдаж иржээ. Тус наадам өнөөдрөөс эхлэн долоо хоногийн турш үргэлжилнэ. Наадмын нээлтийг өнөөдөр СУИС-ын Оюутан театрт хөгжмийн зохиолч УГЗ Сэр-Одын “Хайрын үргэлжлэл” мюзиклээр хийнэ. Мөн ирэх 15-ны өдөр 18.00 цагт УГЗ С.Баатарсүхийн хөгжим “Хандармаа” үндэсний дуулалт жүжиг Төмөр замын дуу бүжгийн чуулгад тоглогдоно.
Харин 17-ны 14.00 цагт Улсын филармонийн концертын их танхимд хөгжмийн зохиолчдын уран бүтээлийн тоглолт болох бөгөөд хаалтын ажиллагаа 19-ны 19.00 цагт тус танхимд болно.
www.URLAG.mn
