Их Британийн болон дэлхийн олон орны кино бүтээгчдийг нэг дор цуглуулж чаддаг BFI Лондон кино наадам өнгөрсөн лхагва гарагт эхэлсэн. 2006 оноос хойш жил бүрийн аравдугаар сард зохион байгуулагдах болсон Лондон кино наадам энэ сарын 20 хүртэл үргэлжлэх юм.
57 дахь удаагийн Лондонгийн кино наадмын нээлтийн үдэшлэгийг Британийн кино найруулагч Пол Гринграссын найруулсан “Ахмад Филлипс” киногоор нээсэн юм. Энэ киног 2009 онд Сомалийн далайн эрэг дээрх далайн дээрэмчид болон Британийн ачааны хөлөг онгоцын ахмад нарын хооронд болсон бодит үйл явдлаас сэдэвлэн бүтээж байжээ. Энэ жил Лондон кино наадамд 369 кино уран бүтээл оролцож байгаа аж. Наамдын нээлтийн үеэр BFI-ийн гүйцэтгэх захирал Аманда Невилл наадмыг зохион байгуулахад тусласан байгууллагууд болон спонсоруудад талархсанаа илэрхийлсэн. Мөн тус наадмын хаалтыг Жон Ли Хэнкокийн найруулсан “Saving Mr.Banks” киногоор хийх юм. Walt Disney-ийн бүтээл “Saving Mr. Banks” кинонд жүжигчин Том Хэнксийн тогложээ. 12 өдрийн турш үргэлжлэх тус наадамд 500 гаруй зочид төлөөлөгчид, 150 гаруй кино найруулагчид 110 жүжигчид оролцохоос гадна 57 орны 235 бүрэн хэмжээний кино, 134 богино хэмжээний кино оролцож байгаа юм.
www.URLAG.mn
