"Бүрэнхий" киноны од Роберт Паттинсон бүсгүйчүүдийг юугаар нь илүү таалдгаа хэвлэлд ярьжээ. 27 настай эр бүсгүйчүүдийн үнэр үнэхээр сайхан бол эрхгүй татагддаг гэдгээ хэлсэн байна. Гэхдээ өөрийг нь "уургалах" хүсэлтэй бүсгүйчүүдэд тэрбээр "Надад таалагдахын тулд заавал өндөр үнэтэй ус хэрэглэх ёстой юм байна гэж ойлгож болохгүй шүү" гэж зөвлөгөө хайрлажээ. Робын сэтгэл, сэрлийг өндөр үнэтэй үнэртэй усны үнэр бус харин бүсгүй хүний өөрийнх нь төрөлхийн үнэр татдаг гэж онцолжээ.
Саяхан Dior Home үнэртэй усны рекламд тоглосон Робын энэ үгсийг хүмүүс бүрэн ойлголгүй өнгөрсөн байна. Учир нь үнэртэй ус сурталчлах далд санаатай байсан бол бүсгүй хүний төрөлхийн үнэрийн талаар дурьдах нь буруу алхам болох гэнэ. Эсвэл Роб рекламны мөнгөнд огт баригдалгүй, зөвхөн өөрийнхөө мэдрэмжийг өгүүлэхийг эрхэмд үзсэн ч байж мэдэх юм.
Сонирхолтой нь Робын хуучин найз бүсгүй Кристен Стюарт ч ярилцлагадаа үнэрийг их голчилсон байдаг. Мөн нэгэн удаа "Робын үнэр үнэхээр гоё" гэж бахдсан удаатай ажээ.
Эх сурвалж: new.m
