Дэлхийн хамгийн алдартай хос Анжелина Жоли, Брэд Питт нар ойрын хугацаанд гэрлэж магадгүй болжээ. Зургаан хүүхдийнхээ шахалт, олон жил хамт амьдарсан туршлагын дараагаар тэд гэрлэх нь зүйтэй гэж шийдсэн ч эхлээд гэрлэлтийн гэрээгээ тун чамбай хийж авсан гэнэ. 101 хуудас бүхий гэрлэлтийн гэрээндээ алдартай жүжигчид хэрвээ саллаа гэхэд эд хөрөнгөө хэрхэн хуваах, зургаан хүүхдийнхээ хэнийг нь хэн нь авах талаар маш нарийн ярилцаж, урьдчилсан тохиролцсон аж.
"Анжелина гэрлэлтийн гэрээ хийхээс татгалсаар ирсэн. Гэлээ ч Брэд ингэсэн нь дээр гэж ятгаж дөнгөсөн юм. Брэд их романтик юм шиг хэрнээ аливаа зүйлийг их бодитой харж чаддаг залуу. Тэдний хөрөнгийн нийт хэмжээ 380 сая ам.доллар гаруй, бас зургаан хүүхэдтэй гэдгээ маш сайн ойлгож байгаа. Брэд гэрээнд гэнэтийн аливаа асуудлыг ч шийдсэн заалтуудыг оруулахыг чармайсан" гэж ойрын гэх эх сурвалж өгүүлжээ.
Гэрлэлтийн гэрээний тухай яриа гарсантай зэрэгцэн тэднийг Хавайд гэрлэнэ гэсэн цуу таржээ. Хавай бол Анжелинагийн ертөнцийн мөнх бусыг үзүүлсэн ээжийнх нь хамгийн дуртай газар байсан тул тэнд бүртгүүлэх бололтой. Харин хуримын ёслолоо Францын Миравалийн эзэмшилдээ хийж магадгүй ажээ.
www.URLAG.mn
