Төрийн шагналт, Ардын уран зохиолч, яруу найрагч Дэндэвийн Пүрэвдорж агсны мэндэлсний 80 жилийн ой энэ онд тохиож байна. Үүнтэй холбогдуулан “Пүдо” сан түүний төрсөн нутаг Өвөрхангай аймгийн ЗДТГ-тай хамтран Д.Пүрэвдоржийн нэрэмжит цэцэрлэгт хүрээлэн байгуулж, сэрэг дүрийг нь босгожээ.
Түүний дүртэй хөшөөг төрийн шагналт, УГЗ, барималч Л.Болд урласан бөгөөд тус аймгийн Хүүхдийн төлөө төвийн урд талын цэцэрлэгт хүрээлэнг түүний нэрэмжит болгосон байна.
Монголын уран зохиолын нэгэн үеийн алдартай төлөөлөгчийн нэрэмжит цэцэрлэгт хүрээлэн төрсөн нутагт нь босч, нээлтэд нь Монгол улсын анхны Ерөнхийлөгч Д.Очирбат, СГЗ яруу найрагч Д.Цоодол тэргүүтэй зохиолчид хүрэлцэн иржээ.
www.URLAG.mn