МУГЖ Г.Нансалмаагийн гарын ганц шавь гэгдэх “Морины дуучин” овогт СТА Ламжавын Нарантуяа уран бүтээлийн гурав дахь бие даасан тоглолтынхоо бэлтгэл ажилд ороод тун завгүй яваа гэнэ. 11 дүгээр сарын 03-ны өдөр Монгол Бөхийн өргөөнд болох энэ тоглолтын гол сюрприз нь уяачид нэг дор цуглаж, давхар баярлах явдал аж. Урьдчилсан байдлаар хурдан морины уяач 300 гаруй хүн Монгол орны өнцөг булан бүрээс СТА Л.Нарантуяагийн “Аргагүй хурдан ажнай” тоглолтод ирж оролцохоо мэдэгдсэн байна.
Үүний хажуугаар тэрээр морины шинэ уран бүтээлүүдийн олз омог ихтэй байгаа бөгөөд тоглолтод МУГЖ С.Батсүх, МУГЖ Н.Чулуунхүү, МУГЖ “Морины” Г.Батбаяр, МУСТА Б.Батболд нарын уран бүтээлчид оролцон ая дуугаа өргөж, тэдэнтэй дуучин Л.Нарантуяа хамтран дуулах зэргээр дуунд дуртай түмнийг уйдаахааргүй тоглолт болно гэсэн хүлээлт байгаа юм. Түүний тоглолтын тасалбарыг “Аргагүй хурдан ажнай” нэртэй шинэхэн цомог дагалдаж очих юм байна. Ийнхүү хурдан хүлгийн тоос, аялгуунд хийморио даатгадаг бүхний очих газар, магнай тэнийсэн тоглолт ийнхүү 11 дүгээр сарын 03-ны өдөр Монгол Бөхийн өргөөнөө болох гэж байна
www.URLAG.mn
