Дуучин Мадонна эрч хүч авах эх үүсвэрийг Ойрхи Дорнодод олсон байна. 1990-ээд оноос тэрээр иудын шашны нэгэн өвөрмөц урсгал болох каббалаг сонирхож эхэлсэн билээ. Тэгвэл одоо тэрээр лалын шашин, Арабын соёл, зан заншлыг сонирхох болжээ.
Саяхан Тель-Авив болон Иерихон хотуудад Мадоннагийн “Эрх чөлөөний төлөөх урлаг” нэртэй шинэ киноны нээлт болсон аж. Энэ үеэр дуучин бүсгүй Коран судрыг судлаж эхэлсэн яриа гарсан гэнэ.
Хэвлэлүүд үүнийг дараахь байдлаар тайлбарлажээ. Мадоннагийн одоогийн амраг Францын бүжигчин Брахим Заибат лалын шашинтай нэгэн билээ. Шашны зарим нэг зүтгэлтнүүд Мадоннаг шашны солиорол туссан гэж мэдэгдсэн бөгөөд зүгээр л үсчиж явдаг нэгэн хэмээн онцолсон байна.
Эх сурвалж: wikimon.mn
