"Торгон зам" угсаатны загвар болон "Газрын амьсгаа" хэмээх хөөмийн мастеруудын уралдаан ирэх сарын 12-14-нд Буриадад болох гэж байна. Түүнд загвар зохион бүтээгчид, дуучид Орос, Монголын олон бүс нутгуудаас оролцож, Буриад, Хакаси, Алтайн хязгаар, Тува, Монголын шилдэг хөгжимчид, хөөмийчдийн аялгуунд үндэстний хувцас, гоёл чимэглэлийн загвар үзүүлбэрүүдийг сонирхуулах аж.
Угсаатны загварын уралдааны үндсэн сэдэв энэ онд үндэсний хувцас, угсаатны сэдвийг орчин үеийн загварт хөрвүүлэх явдал юм. Энэ уралдаан Буриад улсад 4 дэх удаагаа, харин хөөмийчдийн уралдаан 6 дахь удаагаа зохион байгуулагдаж байгаа юм. Уралдааны сонгон шалгаруулалт ирэх сарын 12-нд, харин хоёр уралдааны хамтарсан тоглолт ирэх сарын 14-нд Бестужевын нэрэмжит орос Улсын жүжгийн театрын тайзан дээр болох юм.
www.URLAG.mn
