Дуучин Жастин Биберийн “Believe” баримтат кино ирэх зул сарын баярын өдрүүдээр нээлтээ хийхээр болжээ. Тэрбээр өмнө нь Торонтогын наадмын үеэр “Believe” баримтат киноны багахан хэмжээний кадрыг тусгай үзүүлбэр болгон үзэгчдэд хүргэсэн.
Уг баримтат кинонд Биберийн 2011 оноос хойшхи тоглолтуудын тайзны арын үйл явдлууд, ярилцлага болон хэрхэн өнөөдрийн амжилтандаа хүрсэн талаарх мэдээллүүд багтсан юм. “Believe” баримтат киног найруулагч Jon M.Chu найруулсан. Дуучин Жастин Биберийн энэхүү баримтат кино нь түүний хоёр дах, кино юм. Тэрбээр өмнө нь 2011 онд найруулагч Jon M.Chu-тай хамтран "Never Say Never " баримтат киногоо хийж байсан билээ. Тус кино нь 2011 ондоо 100 сая хувь борлогдож байсан аж.
“SB Films” болон “Dolphin Films”–ийнхэн “Believe” баримтат киног бүтээж байгаа бөгөөд дуучин Usher Raymond, Scooter Braun болон Garrett Grant нарын уран бүтээлчидтэй хамтран ажилласан байна. Мөн Жастин Бибер өнгөрсөн даваа гарагт "All That Matters" хэмээх шинэ дууныхаа аудио хувилбарыг гаргасан нь өнөөдөр 58 орны хөгжмийн чартыг тэргүүлээд байгаа юм.
А.Зул
