НИТХ-ын Тэргүүлэгчдийн 2013 оны 9 дүгээр сарын 4-ний өдрийн 103 дугаар тогтоолоор Монголын орчин үеийн утга зохиолыг үндэслэгч Дашдоржийн Нацагдоржийн хөшөөг нүүлгэн шилжүүлж, Улаанбаатар зочид буудлын өмнөх тайлбайд байруулах шийдвэр гаргасан.Үндэсний соёл амралтын хүрээлэнд байрлаж байсан уг хөшөө ойр хавийн байшин барилгадаа халхлагдан, үзэгдэх орчин муудаж, хамгаалалт нь алдагдсан гэдэг шалтгаанаар ийнхүү нүүлгэн шилжүүлсэн юм.
Хөшөөг шинэчлэн засварласны дараа нийслэлийн ойн өдрөөр Улаанбаатарын хойморт залах ёслол болох юм байна. Харин хөшөө байсан талбайг уран бүтээлчдийн талбай болгохоор НЕТГ төлөвлөжээ. Ийм талбайтай болсноор зураач, хөгжимчид, яруун найрагчид уран бүтээлээ туурвиж, нийслэлийн иргэд болоод гадаадын жуулчдад сурталчлан таниулах боломжтой хэмээн мэдэгдэж байна.
Энэхүү төлөвлөлт бодит ажил болсноор зураач, хөгжимчин, уран бүтээлчид энэ талбайд уран бүтээлээ туурвиж, нийслэлийн иргэд төдийгүй жуулчдад уран бүтээлээ сурталчлах боломжтой болох юм гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
www.URLAG.mn
