Рианнагийн ууртай найз залуу Крис Браун онцын шалтгаангүйгээр нэгэн зурагчин эрийг хамрыг цөм цохьсон хэргээр баривчлагдлаа.
Крисийн бие хамгаалагчийн мэдүүлгээс үзвэл гэрэл зурагчин хувийн автобусанд нь зөвшөөрөлгүй орохыг завдсан тул шангаа хүртсэн гэнэ. Тэгвэл гэрэл зурагчин тэс өөр мэдүүлэг өгч буй юм байна. Тэрбээр хоёр бүсгүйн зургийг авахаар дөхтөл гэнэт Крис Браун уурлан дайрсан ажээ. Харин Крис Браун гэрэл зурагчин эрийг яагаад нударгалснаа тайлбарлахдаа "Тэр зураг дарах биш харин намайг дээрэмдэх гэсэн" хэмээн мэдэгдсэн байна. Гэвч энэхүү мэдүүлэг нь түүнийг баривчлагдахаас аварч чадаагүй гэнэ. Крис Браун Рианнаг зодсон хэрэгтээ тэнсэн харгалзах ял авсан хугацаа нь дуусаагүй байгаа тул батлан даалтаар гарах боломжгүй гэнэ.
Эх сурвалж: new.mn
