Үндэсний дуу, бүжгийн эрдмийн чуулгын уран бүтээлчид Швейцарийн Холбооны Улсын Берн, Цюрих, Интерлакен, Фрибург зэрэг хотод өнгөрөгч 7 дугаар сараас эхлэн энэ сарын 26-ныг дуустал аялан тогтлолт хийлээ.
Ардын язгуур урлаг, үндэсний дуу, бүжиг, хөгжим болон циркийн үзүүлбэрүүд зэрэг Монгол орны урлаг, соёлыг сурталчлан, үүгээр дамжуулан улсынхаа түүх, уламжлал, онцлогийг таниулах хөтөлбөр бүхий урлагийн мастеруудын тоглолтууд швейцарьчуудын сонирхлыг ихэд татаж талархал хүлээж байв. Аялан тоглолтыг нийт 1500 гаруй үзэгч үзэж сонирхсон байна. Үндэсний урлагийн томоохон уран бүтээлчид оролцдог энэхүү аялан тоглолтыг Л.Даваадулам ахлагчтай “Чингис хаан варьете” байгууллага 1996 оноос хойш уламжлал болгон зохион байгуулж байгаа юм. Европчуудын хүсэн хүлээдэг арга хэмжээний нэг болсон уг тоглолтыг Швейцарийн Холбооны Улсад суугаа ЭСЯ-ны зүгээс тогтмол дэмжиж ирсэн юм.
www.URLAG.mn
