Дуу мөнхрөх ёстой болохоос биш дарагдаж, мартагдах ёсгүй. Энэ ч утгаараа орчин цагийн дуучид алтан үеийнхний аялгуу сайхан дуунуудыг орчин цагийн хөгжмөөр дахин баяжуулан бичлэг, өнгө аясыг нь улам сайжруулан дуулж үзэгч түмэнд хүргэсээр байгаа билээ. Үүний нэг нь өнгөрөгч хавар СУИС-ийг төгссөн залуу дуучин Б.Нямзагд.
Тэрбээр МУГЖ С.Батсүхийн “Намрын бороо” дууг дуулж олонд хүргэсэн бол энэ удаа яруу найрагч, Д.Нацагдоржийн шагналт Шагдарын Дулмаагийн шүлэг, Ж.Баясгалангийн ая “Ханийн жаргал” дууг дахин амьдруулжээ. Энэ дууг тухайн үед зууны манлай хос дуучин С.Вандан, Д.Дуламсүрэн нар дуулж олны хүртээл болгон цаг үеийнхээ хит болгож байсан бол ийнхүү одоо цагт залуу дуучин Б.Нямзагд Б.Хандмаа нар дуулж олны хүртээл болгожээ.
www.URLAG.mn
