УДЭТ-ын ерөнхий найруулагч Н.Наранбаатарын найруулсан “Зүүдэнд ч оромгүй явдал” инээдмийн уран сайхны кино 11 сарын 1-нд буюу өнөөдөр “Тэнгис”, “Өргөө” кино театрын дэлгэцнээ нээлтээ хийх гэж байна.
Киноны зохиолыг “Миний нууц хүү” жүжгийг зохиосон Ж.Оргил бичиж, ерөнхий зураглаачаар “UB Film” медиа группийн Б.Отгонзориг ажиллажээ. Киноны гол дүрд БНСУ-д жүжигчний мэргэжил эзэмшиж, “Зэрлэг цэцэгсийн хүлэмж” уран сайхны кинонд Бат-Эрдэнийн дүрийг бүтээсэн залуу жүжигчин Б.Энхтүвшин, “Маск” продакшны жүжигчин Б.Золзаяа нар гол дүрд тоглосон байна. Мөн ардын жүжигчин Б.Мягмарнаран, гавьяат жүжигчин Б.Эрдэнэцэцэг, жүжигчин Ц.Төмөрхуяг, Т.Баатархүү, Б.Навчаа, Д.Баттөмөр, Г.Эрхэмбаяр, Г.Анхбаяр, Н.Манлай нар тогложээ. Киноны дууны үгийг Б.Эрдэнэбаяр бичиж, аяыг Ц.Байдраг зохиож, “Мотив” хамтлагийнхан олны хүртээл болгожээ.
www.URLAG.mn
