Сербийн нийслэл Белград хотноо Оросын алдарт зохиолч Виктор Слипенчукийн “Чингис хаан” найраглал серб хэлнээ хөрвүүлэгдэн гарчээ.
В.Слипенчукийн “Чингис хаан” найраглалын серб орчуулгыг танилцуулах ёслолын ажиллагаа энэ сарын 7-нд болсон бөгөөд энэхүү арга хэмжээн дээр Сербийн ШУА-ийн жинхэнэ гишүүн, яруу найрагч Матия Бечкович, Сербийн зохиолчдын холбооны тэргүүн Драган Антич болон орчуулагч, яруу найрагч Зоран Костич нар оролцлоо. Виктор Слипенчук уншигчидтайгаа уулзан, найраглал бичих санаа яаж төрсөн талаараа ярьж, шүлгээ уншиж сонирхуулсан байнэ.
Виктор Слипенчук 1964 онд цэрэгт алба хааж байхдаа “Чингис хаан” найраглалаа бичжээ. Барууны зохиолчид ихэвчлэн Чингис хааныг харгис хэрцгий булаан эзлэгч байсан гэж бичдэг бол В.Слипенчук Чингис хааныг эрэлхэг баатар, агуу удирдагч талаас нь дүрсэлсэн байдаг.
В.Слипенчукийг 2013 оны тавдугаар сард “Чингис хааны дэлхийн академи”- ийн Чингис хааны одонгоор шагнасан юм.
www.URLAG.mn
