Монгол Улсын Ерөнхийлөгчийн ивээл дор “Салхиар дуулагч” нэртэй Монгол туургатны хөөмийн анхдугаар уралдааныг энэ сарын 19-22-нд Улаанбаатарт зохион байгуулахаар болсон билээ.
Уралдааны үеэр монгол туургатны хөөмийн хөгжил, чиг хандлага, тулгамдсан асуудлын талаар эрдэм шинжилгээний бага хурал зохион байгуулахаар төлөвлөж байгаа гэнэ. Уг наадмын талаарх хэвлэлийн хурал өнөөдөр Монгол ньюс мэдээллийн төвд 12.30 минутад болох юм байна.
Монголын хөөмийн холбооноос зохион байгуулах тус уралдаанд Буриад, Халимаг, Тува, ӨМӨЗО гээд арав гаруй орноос тус бүр хоёр гоцлол хөөмийч, нэг хамтлаг оролцох аж. Уралдааны гран при шагналын эзэн 5000 ам.доллар гардах юм байна. Харин гоцлол болон хамтлагийн төрлийн нэгдүгээр байрын эздийг тус бүр 2000, удаах байруудыг 1000, 500 ам.доллараар шагнах аж.
Мөн аль ч насны хөөмийч оролцох боломжтой тус уралдааны эцсийн шатны шалгаруулалт буюу гала тоглолт Соёлын төв өргөөнд энэ 22-нд болно.
www.URLAG.mn
