19 дэх удаагийн “MTV Еuropean Music Awards” амжилттай болж өндөрлөлөө. Нидерландын нийслэл Амстердам хотноо /ХI.10/ дэлхийн хамгийн алдартай оддыг нэг дор цуглуулсан “MTV EMA 2013” наадмын тайзнаа олон хамтлаг дуучид ая дуугаа өргөн мэндчилжээ.
Энэ жил “Ван Дирекшн” бусдаас онцгой байлаа. Тус хамтлаг шилдэг поп хамтлаг, АНУ, Ирландын шилдэг хамтлаг гэсэн хоёр номинацид нэр дэвшсэн байна.. Оны шилдэг дуугаар дуучин Бруно Марсын “Locked Out Of Heaven” тодорсон бол Кэти Перри шилдэг эмэгтэй, Жастин Бибер шилдэг эрэгтэй дуучны шагналыг тус, тус хүртсэн байна. Харин Майли Сайрус сүүлд гаргасан “Wrecking Ball” дуугаараа оны шилдэг видео шагналыг гарджээ. Тэрээр шагнал гардах үеэрээ тайзан дээр тамхи татаж олныг дургүйцлийг хүргэсэн үйлдлийнхээ хариуд “Шагнал маань цүнхэнд багтахгүй байхаар нь ингэж султгахаас өөр арга байсангүй” хэмээн хэлсэн гэнэ. Поп дива Бейонсигийн хувьд шилдэг тоглолтын шагналыг хүртсэн байна.
www.URLAG.mn
