Английн Ливерпүүл хотын хөвгүүдэд зориулсан Куоррибенк дунд сургуулийн багш нар сурагч Жон Ленноны талаар гаргасан санал, гомдлыг дуудлага худалдаагаар оруулна. Онлайн дуудлага худалдаа энэ сарын 22-ны өдөр болох бөгөөд мөн үеэр The Beatles хамтлагийн гишүүдийн намтар түүхтэй холбоотой бусад зүйлсийг ч арилжих юм. Гомдол бичигдсэн хуудас болгон дор хаяж 3000 фунт стерлингийн үнэ хүрнэ гэж төлөвлөж байгаа аж. Алдарт Ливерпүүлийн дөрвөл хамтлагийн ирээдүйн ахлагч Ленноны хувийн хэргийг 1955 болон 1956 онд бөглөжээ.
1970-аад оны үеэр тэр хувийн хэргийг нэгэн багш сургуулийн архиваас олж аваад өөртөө хадгалсан гэнэ. Уг хувийн хэрэг бодит гэдгийг Жон Ленноны сурагч ахуйн анд Пит Шоттон нотлов. Энэ хүн хөгжимчин эртэй хэрхэн нөхөрлөдөг байснаа дурссан ном бичсэн аж. Багш нарынх нь бичсэн хувийн хэрэгт Леннон 15 насандаа нэлээн дүрсгүй байсан бөгөөд бусадтай түлхэлцэн, нийгмийн хэв журам зөрчиж, багш нарын сандал дээр кноп тавьж, бага ангийн сурагч охины үсэнд бохь наасан зэргээр сахилгагүйтсэнийг өгүүлжээ.
Эх сурвалж www.wikimon.mn
