Япон Улсын Токио хотын Оота дүүргийн соёл, олон нийтийн зүтгэлтнүүд 2013 оны 11 дүгээр сарын 11-нд “Япон, Монголын Олон улсын найрамдлын нийгэмлэг” үүсгэн байгуулжээ.
Нийгэмлэг нь Японы морин хуурч Нагиса /Нагиса Абэ/-гийн уран бүтээлийг дэмжих, морин хуурыг Японы олон нийтэд сурталчлан таниулах, Япон, Монголын боловсрол, соёл урлаг, олон нийтийн харилцааг хөгжүүлэх, хувийн хэвшил хоорондын хамтын ажиллагааг өргөжүүлэх чиглэлээр үйл ажиллагаа явуулах аж.
Морин хуурч Нагиса нь Японы Иватэ мужид төрсөн. Японы Үндэсний хөгжмийн сургуулийн хөгжмийн зохиол судлаачийн ангийг дүүргэсэн, 2008 онд Улаанбаатар хотноо зохион байгуулсан Олон улсын морин хуурчдын анхдугаар наадмын “Гран-при” шагналтан, энэ оны 3 дугаар сараас Монгол Улсын Үндэсний Морин хуурын чуулгад сургалтад хамрагдаж, 5 дугаар сард Улаанбаатар хотноо “Монголын салхи” нэртэй бие даасан тоглолт хийсэн.
Нагиса Абэ нь морин хуурын тоглолтыг Японы хотуудад, түүнчлэн Өмнөд Солонгос, Хятад, Испани улсуудад хийж, Монголын соёл, урлагийг сурталчлахад хувь нэмэр оруулж байна.
www.URLAG,mn
