Монголын Уран зургийн галерейн сан хөмрөг дүрслэх урлагийн шилдэг бүтээлийг худалдан авах зорилготой үзэсгэлэнг жил бүр зохион байгуулдаг. энэ уламжлалынхаа дагуу шилдгийн шилдэг бүтээлийг галерейн сан хөмрөгтөө худалдан авах зорилготой шилдэг бүтээлийн уралдаан зарлаад байгаа ажээ.
Шилдэг бүтээл шалгаруулах үзэсгэлэн энэ сарын 28-аас 12-р сарын 9 хүртэл тус Галерейн үзэсгэлэнгийн танхимд зохион байгуулагдах гэж байна.
Үзэсгэлэнд оролцох бүтээлүүдэд баримлын бүтээл нь гипсээс бусад материалаар хийгдсэн байх, Бүтээлийн сэдэв, хэмжээ чөлөөтэй, бүтээлийн гадуур, дотуур жааз чанарын баталгаатай байх гэсэн шаардлагуудыг тавихаас гадна нэг уран бүтээлчийн хоёр бүтээл оролцох боломжтой ажээ.
Гэхдээ хамгийн чухал шалгуур нь уг бүтээл эх бүтээл байх ёстой бад өмнө нь хуулбарлагдаагүй байх юм.
Харин үзэсгэалэнд оролцох бүтээлүүдийг энэ сарын 19, 20, 21-ний өдрүүдэд 10.00-17.00 цагийн хооронд Уран Зургийн Галерейд бүртгэж авна гэдгийг үзэсгэлэнгийн зохион байгуулагчид мэдээллээ.
www.URLAG.mn