Ээжийн цайлган цагаан сэтгэл
Энхрий уяхан бүүвэйн дуу
Эрдэнийн харгуйд өргөсөн цацал
Эмзэгхэн хайрыг мэдэрсэн зүрх
Амьдрал хайр дээр тогтдог гээд
Алагхан хорвоод хэлээд байх юм аа
Хүслийн тэнгэр алдрайхан ханиа
Хүний орчлонд хайрлан жаргаж
Бүхнээс онцлон уярч суугаа
Бүсгүй хүний энхрийхэн зүрх
Амьдрал хайр дээр тогтдог гээд
Алагхан хорвоод хэлээд байх юм аа
Тэнүүн байгалийн энгүй уудамдаа
Тэнгэрийн солонго харан баясаад
Хайрлаж чадаагүй итгэж явсан
Балчирхан насны минь ариун дурдатгал
Амьдрал хайр дээр тогтдог гээд
Алагхан хорвоод хэлээд байх юм аа
Хөх тэнгэрээ нар сартай нь
Хөхөмдөг талаа навч цэцэгтэй нь
Хөвч хангайгаа ан гөрөөстэй нь
Хүсэл хайраа итгэлцсэн зүрх
Амьдрал хайр дээр тогтдог гээд
Алагхан хорвоод хэлээд байх юм аа
Аавынхаа гүндүүгүй эрсхэн зан
Аливааг тунгаах эрдэм ухаан
Алсын бодолтой гүн сэтгэлээс
Аугаа хайрыг мэдэрсэн зүрх
Амьдрал хайр дээр тогтдог гээд
Алагхан хорвоод хэлээд байх юм аа
