Шинэ жилийн баяраар дэлхийн сонгодог урлагийн театрууд "Цөмөөхэй" балетыг тоглодог жишиг тогтоод уджээ. Монголын уран бүтээлчид ч гэсэн жил бүрийн арванхоёрдугаар сард П.И.Чайковскийн энэ бүтээлийг үзэгчдийн хүртээл болгодог. Өнгөрсөн жил ДБЭТ-ынхан Тяньжиний "Гранд" театрт "Цөмөөхэй"-г тоглосон бол энэ жил театртаа ирэх сарын 21,22-нд шинэ жилийн тоглолтоо хийж үзэгчдээ угтах юм.
Тэгвэл Монголын сонгодог урлагт өнгө нэмэн шинээр байгуулагдсан "Их эзэн хааны театр"-ынхан энэ балетыг БНСУ-д тоглохоор болжээ. Тус театрын 16 бүжигчин багш ДДашлхагвын хамт Солонгост очиж, ирэх сарын 22,23-нд “Little of ballet” компанийн жүжигчидтэй хамтран "Цөмөөхэй"-г тоглохоор болжээ.
Ж.Сэлэнгэ /Өнөөдөр/
