I loft бааранд буун дуу гарсан талаар нэлээдгүй дуулиан тариад байгаа юм. Энэхүү хэргийг Сүхбаатар дүүргийн цагдаагийн хэлтэс шалгаж байгаа бөгөөд хэрэг Киви хамтлагийн дуучин Агийгаас болж гарсан хэмээх мэдээллийг “Улс төрийн тойм” сонин анх гаргаснаар хэвлэл мэдээллийн хэрэгслээр цацагдах болсон билээ.
Энэ талаар бид Киви хамтлагийн дуучин Агийгаас утсаар тодруулахад "Киви хамтлагийн маань 9 жилийн ой тун удахгүй болох гээд, тоглолтын бэлтгэл шинэ клип шинэ уран бүтээлүүд хийгээд завгүй явна. Харин яагаад миний нэрийг оролцуулсан худал мэдээлэл гараад байгаад би гайхаж байна. Тэр бичсэн хүн бүүр нүдээр харсан юм шиг л бичсэн байна лээ. Миний экс найз залуу гээд байгаа тэр хүнтэй би 3,4 жил холбоогүй явж байна. Тэр бусад хүмүүсийг нь ч танихгүй. Тэр хоёр хүн хоорондоо ч юу болсныг би мэдэхгүй. Надад ямар ч хамаагүй асуудлыг яах гэж ингэж худлаа бичдэгийг ер ойлгохгүй юм.Намайг янз янзаар бичиж л байдаг. Гэхдээ одоо бүүр арай л хэтэрхий худлаа бичиж байна. Худлаа бичсэн юм болгоны хойноос хөөцөлдөөд явахгүй болохоор хүмүүс итгээд өнгөрчихвий дээ л гэж бодох юм." гэж ярьсныг "Мобайль Ньюс" булангаараа онцолж байна.
