“Sweetymotion” хамтлагийнхан арван нэгдүгээр сарын 18-нд ОХУ-ын Улаан-Үд хотын Н.Бестужевийн нэрэмжит драмын театрт өөрсдийн бие даасан тоглолтоо хийлээ.Тоглолтын үеэр Буриадын үзэгчид алгаа харамгүй ташиж, зарим нь бүжиглэж байлаа. Эерэг энерги тайзнаас үзэгчдэд хүрч мөн эргэн очиж байх шиг санагдсан. Магадгүй энэ л мөч ямар ч уран бүтээлчийн амьдралын утга учир байх.
Дараа нь "London music hall"-д зочидод зориулсан үдэшлэг болж, тэд маань мэргэжил нэгт Буриадын уран бүтээлчдийнхээ уран бүтээлийн бэлгийг хүлээн авч өөрсдөө ч гэсэн ая дууныхаа мэндийг дэвшүүллээ.
“Sweetymotion” хамтлагийнхан тоглолтыг зохион байгуулсан Буриадын Соёлын яамны сайд Тимур Гомбожапович, П.Чаиковскийн нэрэмжит хөгжмийн сургуулийн захиралтай Баяр Борисевич нарт баярласнаа илэрхийлсэн юм.
Ийнхүү Орос Драмын театрын тайзан дээр Sweetymotion хамтлагийнхан ба Чинбаагийн тоглолт амжилттай болж өнгөрлөө.
www.URLAG.mn
