Энэ сард болсон олон улсын архитектурын уралдаанд Амстердамаас гаралтай Нэкст архитектур ялж тэдний зургийг нь гаргасан гүүрийг барихаар болсон байна. Энэхүү гүүр нь Хятадын Чангшад баригдах ба 150 метрийн өргөнтэй, газраас 24 орчим метрт баригдах аж. Тахир, махир энэхүү гүүрээр зөвхөн явган хүн л явах боломжтой юм байна. Гүүр барих нь энэ нуурын хөндийг экологи, аялал жуулчлалын бүс болгох, дахин сэргээж тохижуулах төлөвлөгөөний нэг үндсэн хэсэг болж байгаа юм.
Энэхүү гүүр нь дараа жилээс баригдах бөгөөд Нэкст архитектураас “гүүр энэ нуурыг бүхэлд нь гэрэлтүүлэх болно” хэмээн итгэлтэй хэлж байна. Хятадын эртний зангилаанаас санаа аван хийгдэж буй гүүрийг хятадууд маш их сайшаан дэмжиж байгаа аж.
Г. Онончимэг
