"КИВИ" хамтлаг 9 жилийн ойгоо угтсан томоохон тоглолтоо энэ сарын 29,30-нд 20:00 цагаас “Vegas” клубт хийхээр болсон байна. Тоглолтын үеэр тус хамтлагийн хос цомгийн баяр болох бөгөөд тоглолт тэр чигээрээ гэнэтийн бэлгээр дүүрэн болох аж.
Кивигийн бүсгүйчүүд 10 жилийн ойгоо угтан цомог гаргаж байгаа бөгөөд энэ ажлын хүрээнд “Хайр нь арыг нь даана” дуундаа Black Zibra студиэр клип хийлгэсэн билээ. Кино шиг зохиол бүхий энэхүү бүтээлийн гол дүрд Киви хамтлагийн гишүүд өөрсдөө тоглож байгаа бөгөөд сэтгүүлч, дуучин, жүжигчиний дүрд хувирсан юм. Үүнээс гадна "Харамсаж хараад хэрэггүй", "Сарнаас зүүгдсэн охин" зэрэг олон шинэ уран бүтээлүүд гарган сонсогч, фенүүдээ баярлуулаад байна.
Хар, шар, цагаан арьстай гурван бүсгүй “Киви” жимсээр хамтлагаа нэрлэн 2004 онд анх мэндэлж байсан бол тэд өнөөдөр есөн нас хүрч сонсогч, фэнүүдтэйгээ 9 жилийн ойгоо хамт тэмдэглэхээр зэхжээ.
www.URLAG.mn
