Залуу зохиолч Ц.Ууганбаярын “Зоорь” өгүүллэгээс сэдэвлэсэн “Зоорь” нэртэй Монголын уран сайхны 3D аймшгийн кино хийгдээд дуусч байгаа ажээ. Кино ирэх сарын эхээр кино театруудаар гарч, үзэгчдийн хүртээл болох юм байна.
Одоогоор эвлүүлгийн ажил дууссан бөгөөд дуу, хөгжим чимэглэлийн ажил явагдаж байгаа гэнэ. Жүжигчин, дуу оруулагч Ө.Мөнгөнтулга “Зоорь” уран сайхны киноны ерөнхий продюссерээр ажиллажээ.
Мөн өөрөө Галсан хэмээх залуугийн дүрийг бүтээсэн байна. Түүний хувьд “Чонын алтан шагай” зэрэг хэд хэдэн уран сайхны кинонд тогложээ.
Дашрамд дурьдахад, “Зоорь” уран сайхны киноны гол дүрд жүжигчин Мөнхзул, залуу жүжигчин Б.Анхбаяр, UBS телевизийн хөтлөгч Уянга нар тоглосон байна.
www.URLAG.mn
