40-н жилийн түүхт үндэсний шилдэг үйлдвэр “ДАРХАН НЭХИЙ” ХК-ийн Улаанбаатар хотноо зохион байгуулж буй “ДАРХАН НЭХИЙ ЭКСПО-2013” үзэсгэлэн худалдаа нээлтээ хийлээ. Улсын циркт энэ сарын 22,23,24, 29,30,01 өдрүүдэд 10-19 цагийн хооронд дэлгэгдэх тус үзэсгэлэн худалдааны нээлтэд “ДАРХАН НЭХИЙ” ХК-ийн төлөөллүүд болон Уртын дуучин МУСТА Д.Жавхаасайхан, МУСТА Д.Үүрийнтуяа нар оролцож хүрэлцэн ирсэн зочиддоо язгуур урлагийн гайхимшиг болсон аялгуут сайхан дуугаараа мэндчилгээ дэвшүлсэн юм.
Мөн энэ үеэр "Дархан нэхий" ХК-ний дизайнеруудын ур ухаан шингэсэн нэхий дээлийг загвар өмсөгч нар өмсөн үзэсгэлэнг зорьж ирсэн хүмүүстээ сонирхуулсан юм. Тус үзэсгэлэн худалдааны нээлтийн хамгийн том бэлэг нь хоёр дуучны хамтран гаргасан “Язгуур” цомогт зориулан "Дархан нэхий" ХК-ийн авьяаслаг дизайнеруудын урласан даалинг ахмадуудаа болон тусгай зочиддоо дурсгал болгон гардуулсан явдал юм.
Хүн бүхэн өвөл даарахгүй дулаан өвөлжихийг хүсдэг. Тэгвэл гэр бүлийн бүх гишүүдэд тохирох нэхий дээл болон савхин хүрэм, хөөрхөн үрийг тань дулаан байлгах нэхий дээл, малгай, гуталаа худалдалж авахыг хүсвэл "АСА" циркэд дэлгэгдэж буй үзэсгэлэн худалдааг зориорой.
Ингээд та бүхэндээ нээлтийн фото сурвалжлагаа хүргэж байна. .























Бэлтгэсэн: Д.Ана www.URLAG.mn