Монголын рок попын түүхэнд 10 гаруй жил уран бүтээлээ туурвиж олон гайхалтай хит дуунуудаараа залуусыг байлдан дагуулсаар ирсэн “Freezone” хамтлаг хэсэг хугацаанд нам жим байсан билээ. Тэгвэл өнгөрөгч сард болсон МУУГЗ Ц.Чулуунбатын “Содон аялгуу” тоглолтын үеэр бүрэлдэхүүнээрээ тайзнаа гарч ирэн үзэгчдийг шуугиулаад, эргэн нэгдэж уран бүтээлдээ орсноо зарлаж сюрприз барьсан тэд тоглолтынхоо товыг дуулгалаа. Ийнхүү залуучуудын хүсэн хүлээж байсан эрхэм уран бүтээлчид маань ирэх 12 сарын 7-ны өдөр “Хотын хэмнэл” нэртэй тоглолтоо үнэнч шүтэн бишрэгч, фенүүдээ зориулсан тоглохоор болжээ.
Тэдний тоглолтын найруулга, уран бүтээлийн сонголт нь тэртээх 1998 оноос өнөөг хүртэл бүтээгдсэн олон гайхалтай хит дуунуудаас түүрэвлэсэн зөвхөн шилдэг 28-н дууг эгшиглүүлхээр төлөвлөгдөж байгаа бөгөөд монголын шилдэг хөгжимчидтэй хамтран жинхэн амьд тоглогдож үзэгч, шүтэн бишрэгч, фенүүдтэйгээ хамтран дуулж баярлах юм. Ийнхүү хүсэн хүлээн байж Улаанбаатар хотноо 11-н жилийн дараа тоглож буй тэдний, фенүүддээ зориулж буй МУСТА С.Сэрчмаатай хамтран бүтээсэн “Миний нулимсийг салхи л арчина даа” дууны шинэ хувилбар, клипийг нь та бүхэндээ хүргэж байна.
www.URLAG.mn
