BLUEMOON арт галерейгаас монголд анх удаа монголын мастер зураачдын богино хугацаанд натюморт зурах "MASTER SHOW" 2013 оны 11 сарын 23-ны 14:00-18:00 цагийн хооронд зохион байгууллаа. Уг шоуны гол зорилго нь мастер уран бүтээлчдийн бүтээлээ хийж буй агшин, бичилт тавилт, сэтгэл хөдлөл бүрийг бодит орчин, зураачийн холстон дээрхи бүтээл, зураач гурвын холбогдох нандин агшиныг урлагт хайртай, урлагт дуртай хүмүүст мөн урлагийн бүтээл цуглуулагч нарт мэдрүүлэх юм.
Энэ удаагийн шоунд монголын мастер зураачид нэг дор цугларсан сонирхолтой үйл ажиллагаа болсон бөгөөд ирсэн зочид тун сэтгэл хангалуун байсан юм. Блью Мүүн арт галерейн зүгээс цаашдаа урлагт хайртай та бүхэнд зориулж дүрслэх урлаг болон нийгмийг холбосон үйл ажиллагааг олонтаа зохион байгуулахаар төлөвлөж байна.
Уг шоунд 5 өөр өөр натюморт дэглэгдсэн байснаас уран бүтээлчид өөрсдөө сонгож бүтээлээ туурвисан юм. Натюрморт нь дүрслэх урлагийн нэгэн том төрөл бөгөөд бид энэ удаагийнхаа шоуг натюрмортын төрөл дээр тулгуурлаж хийсэн юм. Уран бүтээлчид маань бүтээлээ туурьвиж дууссаны дараа хүрэлцэн ирсэн зочид таалагдсан бүтээлээ шууд худалдаж авах боломжтой байсан нь шоуны маань бас нэгэн онцлог юм.
Уг шоунд хүрэлцэн ирсэн зочдыг уран бүтээлч болгоны өөр өөрийн гэсэн мэдрэмж, арга техник, бүтээлийн өнгө аясыг мэдрүүлж дүрслэх урлагийн ертөнцөөр хэсэгхэн зуур аялуулж чадсан юм.
Оролцсон уран бүтээлчид: 1. Ц.ЭРДЭНЭЦОГ И.Е.Репиний Дүрслэх урлагийн Академи Урлаг судлалын ШУ-ны доктор, Дэд профессор, МУЭ шагналт, Монголын Дүрслэх Урлагийн Академийн Академич, МУБИС-ийн ДУ-ийн тэнхимийн эрхлэгч, 2. З.УЯНГА И.Е.Репиний Дүрслэх урлагийн Академи, График зураач, Урлаг судлалын магистр, Монголын График Урлаг Нийгэмлэгийн тэргүүн, МУЭ-ийн шагналт зураач, хөдөлмөрийн хүндэт медальт, 3.Г.ЛХАГВАСҮРЭН Суриковын нэрэмжит уран зургийнакадеми, МУЭ шагналт зураач, Урлаг судлалын ШУ-ны доктор,профессор, СУИС-ийн ДУС-ийн багш, 4.Ц.БОЛД Суриковын нэрэмжит уран зургийнакадеми, МУЭ шагналт зураач 5. С.ДАГВАДОРЖ Суриковын нэрэмжит уран зургийнакадеми, МУЭ шагналт зураач, урлаг судлалын магистр, алтан гадас одон,хөдөлмөрийн хүндэт медаль, олон улсын шагналын төлөө монгол улсын засгийн газрын мөнгөн шагнал, 6.Л.ГАНБОЛД Урлаг судлалын магистр, ЗХУ- ын Ленинград хотын И.Е.Репины уран зурагийн академи төгссөн.
Дэлгэрэнгүй мэдээллийг 89806021, 88773410 дугаарын утсаар лавлана уу.
www.URLAG.mn
