Улс тунхагласны баярт зориулан “Нийгмийн Ардчилал” Монголын Залуучуудын Холбоо, Монголын Зохиолчдын Эвлэл хамтран “Тусгаар тогтнол” яруу найргийн наадам Тусгаар тогтнолын ордонд болох гэж байна.
Монгол улсын халдашгүй дархан байдал, түүний үнэ цэнийг олон түмэнд түгээх эх орныхоо тусгаар тогтнолын төлөө халуун цус бүлээн амиан үл хайрлан тэмцэж ирсэн өвөг дээдэс, монгол хүний дархлаа болсон эх хэл гайхамшигт соёлоороо бахархах үзлийг хойч үе хүүхэд залуучуудад төлөвшүүлэх зорилготой энэхүү наадамд найрагчид зөвхөн эх орон, тусгаар тогтнолын сэдэвтэй хоёр шүлэг унших юм.
Наадамд бүтээлээ ирүүлсэн 200 орчим найрагчаас 23-ийг нь шалгаруулж одоо буюу хоёрын даваанд өрсөлдүүлэх юм. Шигшээ шатанд шалгарсан дээрх тооны яруу найрагчаас дараагийн шатанд 10-ийг нь шалгаруулж тэдгээс сүүлийн шатанд таван яруу найрагчийг шалгаруулж нэгээс таван байр эзлүүлэх аж.
Шагналын сан нь тэргүүн байр сая төгрөг, цом, өргөмжлөл, дэд байр 500 мянган төгрөг өргөмжлөл, гутгаар байр 250 мянган төгрөг өргөмжлөл, тусгай байр 100 мянган төгрөг өргөмжлөл дагалдах юм байна.
Наадамд Ардын уран зохиолч, Төрийн соёрхолт яруу найрагч, “Болор цом”-ын эзэд урилгаар оролцоно. Шүүгчдийн нэрс одоогоор хараахан тодроогүй байна.
Хоёрдугаар шатанд шалгарсан яруу найрагчдийн нэрс
А.Анхбаяр
Ж.Алтангэрэл
Д.Бүтээлч
З.Батхуяг
Д.Гомбосүрэн
С.Ууганбаяр
Т.Зөнбилэг
Д.Цогбадрах
Н.Отгонцэрэн
О.Цэнд-Аюуш
Б.Чулуунцэцэг
В.Нэргүй
Б.Баттулга
Л.Торой
Н.Гантулга
Б.Энхтөр
М.Наранболд
Л.Ганзул
П.Нямлхагва
Б.Хашбаатар
Б.Ганхүлэг
Г.Баяр
Г.Нэргүй
www.URLAG.mn
