-ЭМЧ НАР ТҮҮНИЙГ ДЭЭД ТАЛ НЬ ГУРВАН ЖИЛИЙН НАСТАЙ ХЭМЭЭН ТОДОРХОЙЛСОН-
Гурав хүрэхгүй сарын дотор гурван шагнал хүртээд буй жүжигчин, НҮБ-ын Дүрвэгсдийн дээд комиссарын сайн дурын элч Анжелина Жоли гэр бүлтэйгээ цаг, хором бүрийг өнгөрөөж байна. Тэрбээр эрүүл мэндийн байдалдаа эвлэрсэн бололтой амьдралынхаа эцсийн мөчийг гэрийнхэнтэйгээ дэлхийн өнцөг булан бүрт өнгөрөөж байна. Эмч нар түүнийг дээд тал нь гурван жил амьд явна гэсэн хатуу бөгөөд бодит үнэнийг дэлгэсэн. Түүний нөхөр Брэд Питт ч хайрт гэргийнхээ хамт аз жаргалтай гэр бүлийн халуун дулаан уур амьсгалаар өглөө бүрийг угтаж байна.
Өнгөрсөн есдүгээр сард тэрбээр Академийн дээд шагналын эзэн болсон. Энэ нь сайн дурын болон хүмүүнлэгийн үйлсэд хувьтай нэмэр оруулсан, хүмүүнлэгийн үйлс бүтээсэн уран бүтээлчдэд зориулан олгодог шагнал билээ. Анжелина Жоли энэ шагналыг энэ оны нэгдүгээр сард Их Британийн Гадаад хэргийн сайд Уиллиам Хэйгтэй хамт Бүгд Найрамдах Ардчилсан Конго улсад хүмүүнлэгийн аян өрнүүлж, ядуурал, өлсгөлөнтэй тэмцсэн учраас хүртсэн юм. Мөн тэрбээр өөрийн НҮБ-ын Дүрвэгсдийн дээд комиссарын сайн дурын элчийн хүрээнд Тайланд, Кени, Судан, Шри-Ланка, Эквадор, Йордан, Косово, Ангол зэрэг дэлхийн өнцөг булан бүрт ажилсан билээ. Дээрх шагнал авах үед түүнийг удахгүй “Хершолтын шагнал” хүртэж магадгүй талаар хэвлэлүүд онцолж байсан. “Хершолтын шагнал” нь 1956 оноос хойш жил бүр шагналтнуудаа тодруулсаар ирсэн. Анжелина 2000 онд өөрийн бүтээсэн туслах дүрээр уг шагналын эзэн болж байсан бөгөөд хэрэв дахин авах юм бол 36 дахь шагналын эзнээр тодрох аж.
Харин энэ сарын 18-ны өдөр түүний энгэрийг “Хершолтын шагнал”-аар мялаасан баярт үйл явдал болсон юм. Түүнийг кино урлагт үнэтэй хувь нэмэр оруулсанаас гадна хүмүүнлэгийн үйлсээ үнэлүүлж буй шагнал гэдгийг хэвлэлүүд онцолсоор байна. Шагнал гардуулах ёслолын ажиллагаан дээр Анжелина нөхөр болон ууган хүүгийн хамт хүрэлцэн ирсэн юм. “Хершолтын шагнал”-ыг олгодог эрхмүүд Анжелинаг НҮБ-тай сүүлийн 10 гаруй жил хамтран ажиллаж, хамгийн хүнд хэцүү газруудад өөрийн биеэр очиж, сайн дурын хүмүүнлэгийн үйлс хийж байсныг давхар үнэлэн энэхүү шагналыг олгох болсон талаар ёслолын ажиллагааны үеэр мэдэгдэв. Найруулагч Жорж Лукас “Тэр бол гайхалтай хүчтэй, эр зоригтойгоос гадна хүний хамгийн сайн чанарыг нэг дор цогцолж чадсан эмэгтэй. Түүнийг энэ шагналыг авсанд би баяртай байгаа” хэмээн шагналыг олгохдоо хэлсэн юм.
Анжелина энэхүү шагналын авсаныхаа дараа гэр бүлийнхэндээболон ээжийнхээ талаар товчхон хэдэн өгүүлбэр хэлсэн юм. Тэрбээр “Ээж гэж хэлүүлэх үнэхээр гайхамшигтай. Энэ үгний ард маш олон сайхан зүйл нэр дор багтдаг гэж би боддог. “Ээж”. Та сэтгэл дотроо энэ үгийг давтаад хэлээд үзээрэй. Үнэхээр ээж гэж дуудуулдаг бүх эмэгтэйчүүд гайхалтай хүмүүс. Би хүүхдүүдээрээ ээж гэж дуудуулах бүртээ аз жаргалыг мэдэрдэг” хэмээжээ. Мөн үргэлжлүүлэн “Энэ ертөнцөд анх мэндлээд би зөвхөн өөрийнхөө амьдрал, өөрийн зовлон зүдгүүрийг л боддог байж. Улмаар дэлхий ертөнцөөр аялж, дайны хөлд гэр оронгүй болсон, хайртай хүнээ алдсан, өлсөж цангасан, даарч хөрсөн хүмүүсийг өрөвдсөн. Харин эсрэгээрээ амьдарч байгаа хүмүүс азтай” хэмээн нулимс дусгажээ.
Ийнхүү түүний талаар дэлхийн хэвлэл мэдээллийн хэрэгслүүд өнгөрсөн долоо хоног бичиж, онцолсон. Нөхөр Брэд Питт ч түүнд маш их хайртайгаа “Хүмүүс” сэтгүүлд өгсөн ярилцлагадаа өгүүлсэн. Гэр бүлийн аз жаргал хамт байхад л мэдрэгддэг талаар сэтгэгдэлээ илэрхийлжээ.
Гэр бүлийнхэндээ гэнэтийн бэлэг барих дуртай Анжелина нөхөртөө хүрхрээ бэлэглэсэн талаар “Hollywood box” мэдээлсэн. Анжелина Жоли өнгөрсөн жилд хэд хэдэн газар худалдан авсан. Тэрбээр АНУ-ын Калифорни мужид эргэн тойрон нь хүрхрээгээр хүрээлэгдсэн нэгэн газрыг нөхөртөө бэлэглэсэн удаатай. Харин Брэд Питтийн хувьд өөрийн гэр орноо уран баримал, сонин хачин загвар дизайнаар тохижуулах хоббитой. Түүнд бэлэглэсэн эхнэрийнх нь хүрхрээ ихэд таалагдсан бөгөөд ойрын хугацаанд хүрхрээг тохижуулах ажилд орно гэдгээ илэрхийлсэн аж. Тэдний гэр бүр удахгүй хүүхэдтэй болж магадгүй талаар Анжелина “Шинэ онд шинэ хүүхэдтэй, шинэ орон зай бий болохыг би үгүйсгэхгүй” хэмээжээ.
Б.БААТАР
