Монголын рок попын ертөнцөд хар, шар, цагаан арьстай гурван бүсгүй “Киви” жимсний нэрээр хамтлагаа нэрлэн 2004 онд анх мэндэлж байсан. “Исгэлэн” бүсгүйчүүд өнгөрөгч 12 дугаар сард хамтлагийн найман жилийн ойд зориулсан цомгоо гаргаж, томоохон хэмжээний шоу тоглолт хийж байсан.
Хамгийн сүүлд “Харамсаж хараад хэрэггүй”, “Хайр нь арыг нь даана” зэрэг дуунуудаа клипжүүлсэн төдийгүй шинэ уран бүтээлээрээ сонсогчдодоо бэлэг барьсан билээ. Тэдний дуу бүр нь долоо хоногийн шилдэг дууны жагсаалтаас хоцорч байгаагүй. Анхны цомог нь багтсан “Араас чинь тэврэлгүй явууллаа”, “Хайр хайраа өөрөө олдог”, “Бүсгүй хүний нулимс энэ хорвоод байдаг юм” зэрэг дуунууд нь Монголын залуу үеийнхэний байнга амандаа аяладаг дуу нь болж чадсан гэхэд болно.
Тэгвэл тэд есөн жилийн ойн тоглолтоо энэ сарын 29, 30-нд 20.00 цагаас “Vegas” клубт хийх гэж байна. Тоглолтын үеэр хамтлагийн хос цомгийн баяраа давхар хийх аж.
www.URLAG.mn