Энэ удаагийн “MOBILE NEWS” булангаараа монголын загварын ертөнцийн хамгийн нэр хүндтэй наадам болох “Гоёл-2014″ наадмын өнгийг тодорхойлон хэмээн хэвлэлүүдээр шуугиад байгаа “Гоёл-2010″ наадмын “Шилдэг загвар өмсөгч”, мисс Х.Бадамгэрэл, “Азийн топ модель”, мисс Т.Туяамаа, “Азийн топ модель” өргөмжлөлт О.Ариунзул: нартай холбогдож цөөн хором ярилцсанаа хүргэж байна.
“Монголын дизайнеруудын холбоо”, “Шилмэл загвар” компаниас жил бүр уламжлал болгон зохион байгуулдаг “Гоёл-2014″ наадам энэ сарын 30-нд шилдгүүдээ тодруулах билээ. Тэрээр наадамд оролцох загвар зохион бүтээгчдийн шилдэг бүтээлүүдийг энэ сарын 27, 28-нд дэлгэж эхэлсэн бөгөөд энэ удаагийн наадмаар шилдэг “ЗАГВАР ЗОХИОН БҮТЭЭГЧ”, “ЗАГВАР ӨМСӨГЧ”, “ТОП МОДЕЛЬ” гэсэн гурван үндсэн төрлийн шилдгүүд тодрох юм. Ингээд та бүхэндээ “MOBILE NEWS”-ээ хүргье.
“Andra Model Management” агентлагийг захирал, мисс Х.Бадамгэрэл: Юуны өмнө танай DORGIO.mn сайтын эрхэм уншигчдад энэ сайхан өдрийн мэндийг хүргье. Миний хувьд 14 наснаасаа загвар өмсөж эхэлсэн бөгөөд 2006 оноос хойш тасралтгүй Гоёл наадамдаа оролцож байна. Энэхүү наадам нь монголын загварын ертөнцийн хамгийн нэр хүндтэй, томоохон наадам болохоор жил бүр өндөр ач холбогдол өгөн оролцдог. Тиймдээ ч 2010 оны Гоёл наадмын “Шилдэг загвар өмсөгч”-өөр шалгарч байлаа. Одоо бол “Andra Model Management” агентлагаа байгуулаад ирээдүйн Топ модель болох олон гайхалтай шавь нараа бэлтгээд явж байна даа.
“Азийн топ модель” өргөмжлөлт Т.Туяамаа: Танай уншигчдад энэ өдрийн мэндийг хүргье. Миний хувьд загвар өмсөөд 6-н жил гаруй хугацаа өнгөрчээ. Гоёл наадамд бол 3 дахь жилдээ оролцож байна. Энэ гайхалтай нэр хүндтэй наадмынхаа 3-н удаагийн наадамд нь гадаадад тэмцээнтэй байсан болохоор оролцож чадалгүй өнжсөн байгаа. Энэ жилийн наадамд бусад моделиудын адилаар их хичээж өндөр бэлтгэлтэй оролцож байна.
“Азийн топ модель” өргөмжлөлт О.Ариунзул: Эрхэм уншигчиддаа энэ өдрийн мэнд хүргье. Би 14 настайгаасаа загвар өмсөж эхэлсэн. Гоёл наадамд 4 дэх жилдээ оролцож байна. Үнэхээр загварын ертөнцийнхний хүсэн хүлээн байж оролцдог хамгийн том баяр бол яахын аргагүй Гоёл наадам байдаг. Жил бүр энэ наадамд оролцохдоо их бэлтгэж, зорилго тавин ордог ч энэ жилийн хувьд илүү том зорилготой оролцож байгаа.
www.URLAG.mn