Холоос гүйдэлтэй борлог минь
Сулдаа ганхам жороо доо
Голоос хайртай амраг минь
Шөнөдөө гэрэлтэм царайлаг аа
Атар хээрийг чимэглэсэн
Алаг цэцгэнд би дуртай
Ариухан хайрыг минь булаасан
Амраг чамдаа би хайртай
Сэрүүн булгийн усандаа
Тунгалаг Тамир гэрэлтэх шиг
Сэтгэлийн хайртай амраг минь
Энэхэн холоос санагдана даа
Жороо борлогоороо тэшүүлсээр
Жолоо тавьсхийгээд очиход минь
Жаалхан чи минь инээсээр
Баахан гэрэвшэсгээд золгоно доо
