Дэлхийн хэмжээний загварын тайзан дээр алхаж, Монгол хэмээх нэрийг дуурсгаж яваа цөөн хэдэн моделийн нэг бол Нора Дагва буюу Д.Оюунномин. Дэлхийд алдартай “Chanel”, “Gucci”, “Kenzo”, “Maxmara” зэрэг нэр хүндтэй брэндүүдийн шинэ коллекцийн сурталчилгааны шоунд оролцож, Сингапурын загварын агентлагт ажиллаж, Миланы “Flash model management agency”-д харьяалагддаг байсан.
Тэрбээр эх орондоо ирээд жил гаруйн хугацааг өнгөрөөгөөд буй олон улсын хэмжээний загвар өмсөгч Нора Дагва Монголын хувцас, загварын салбарыг хөгжүүлж, өөд нь татахаар эргэлт буцалтгүйгээр зүтгэж яваа. Нора “UNIQUE MODELS MANAGEMENT” академийг үүсгэн байгуулж, шинэ залуу өвөрмөц дүр төрх бүхий чадварлаг моделиудыг бэлтгэж эхэлсэн билээ.
Харин өөрөө GOYO CASHMERE-ийн энэ жилийн нүүр царайгаар сонгогдон ажиллаж байгаагийн сацуу дэлхийн тавцанд үнэлэгдэж буй шилдэг дизайнер Цоло Мөнх, Ариунаа Сйүри нартай хамтарч ажилладаг. Нора бол дэлхийн загварын өлгий хот болсон Милан, Парисын тайзнаа алхаж, алдарт CHANEL, HERMES, MAXMARA-н хувцсыг амилуулсан анхны Монгол модель юм.
Түүнийг сүүлийн үед энэ удаагийн "Торго" шоу"-нд оролцохгүй, "Торго" шоуг гольсон гэх мэдээлэл гарах болсон.
Энэ талаар түүнээс тодруулахад Нора "Ороогүй. Энэ шоунд орохоо больсон. Өөрийгөө үнэлэх үнэлэмжид минь нийцэхгүй байсан учраас огт оролцохгүй байсан нь дээр гэсэн шийдвэрт хүрсэн юм" хэмээн хариулт өгснийг "Мобайль Ньюс" буландаа онцолж байна.
Мөн Нора Дагва Монголын урдаа барьдаг шилмэл загвар өмсөгчдийг сонгон оруулцуулдаг "Торго" салоны шоуны үнэлгээг хэт эсэргүүцэж 25-хан мянган төгрөг байгаад дургүйцээд авсан. Энэ тухайгаа өөрийн цахим хуудсандаа "Тайзан дээр өмсөж байгаа хувцасныхаа 1/3-т хүрэхгүй үнэлгээтэй ч тэрбумтаны охин шиг аашлах Монгол моделиуд. Нэрэлхүү, баярхуу" хэмээн бичиж дургүйцлээ илэрхийлсэн юм.
Ийнхүү тэрбээр "Торго" шоунд “үгүй” гэж хэлсэн анхны загвар өмсөгч боллоо.
Д.Ана
