Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
Урлаг.мн»Утга зохиол»Хүн чанарын тухай мөчлөг (шүлэг)
Утга зохиол

Хүн чанарын тухай мөчлөг (шүлэг)

Урлаг Урлаг16/12/2013Сэтгэгдэл байхгүй1 минут уншина
Facebook Twitter LinkedIn Имэйл Telegram WhatsApp
4ba386b7f8bb81f8b1d13010454467471555003312013-12-16-12-02[www.urlag.mn].jpg
Share
Facebook Twitter LinkedIn Pinterest Имэйл

Мэндийн гурван үгээ бүтэн хэлчихдэг
Мичидийн гялааныг ажиглаад тэнгэрээ таньдаг хүн байх юмсан
Явгарсан эр хүнд унаа юүлэх сэтгэлтэй
Ядарсан нэгэнд урмын үг хэлчих сэтгэлтэй хүн байх юмсан

Хөөрөг зөрүүлэхдээ харшуулж үзээгүй
Хөдсөн дээлээ нар зөв бүсэлсэн хүн байх юмсан
Уулсаа аргадаж буян оршоосон
Уургаа тулж адуундаа мордсон хүн байх юмсан

Унтах цагтаа зүүдлэж
Уруудах үедээ хатуужиж хүн байх юмсан
Хөх чулуунд ирлэгдэж
Хөх жаварт алгадуулж хүн байх юмсан

Тэнгэр бүрхэж аадар орох агшинг зураглаж
Тэнгэр цэлмэж цэцэгс инээхийг чагнаж хүн байх юмсан
Нарны даллага газарт оршоож
Наслахын буян түмэндээ түгээж хүн байх юмсан

Хийморь түшиж дээлэндээ гоёдох үедээ
Хойморьт налайж нүнжиг үнэртэх үедээ хүн байх юмсан
Үгэнд дулаацахын сайхныг мэдэрч
Үрийнхээ үрд хайраа сөгнөхийн жаргалыг төсөөлж хүн байх юмсан

Сүүдэр уртсаж бие жижигрэхийн цагтаа ч
Сүлдэнд мөргөж буянд шамдах үедээ хүн байх юмсан
Жиндүү намрын шөнөөр сэтгэлээ зул мэт гэрэлтүүлж
Жим нь бүдгэрсэн заншилынхаа өмнө хорвоог сөхрүүлж хүн байх юмсан

Мартагдсан түүхийн шастирт салхи оруулж
Марал чонын дуунд түмнийхээ хийморь сэргэхийг харж хүн байх юмсан
Хөх өвсний гунийг газрын энгээр үерлэж
Хүн чанарын мөстлөг тэвчээр алдуулах энэ цагт
Хүн шиг хүн байх юмсан орчлон минь ээ

Б.Магсаржав

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Утга зохиол Урлаг

Яруу найрагч Д.Урианхайн өгүүллэгийн номууд хэвлэгджээ

16/09/2025
Утга зохиол Урлаг

“Улсын эх дагина Дондовдулам” үзэсгэлэнг нээнэ

12/09/2025
Утга зохиол Урлаг

Яруу найраг, өв соёлын дугуйлан үнэ төлбөргүй хичээллэнэ

11/09/2025

Сэтгэгдэл хаалттай

Сүүлд нэмэгдсэн

Намрын хамгийн сүүлийн дулаахан өдөр болох Улаанбаатар хотын хөгжмийн фестиваль бүтэн өдрийн турш үргэлжилнэ

18/09/2025

“Labubu” хүүхэлдэйг үйлдвэрлэгч “Pop Mart” компанийн хувьцаа унажээ

16/09/2025

2060 он гэхэд хүн төрхт роботын тоо гурван тэрбумд хүрнэ

16/09/2025

“Coachella 2026” наадмын голлох уран бүтээлчдийг зарлалаа

16/09/2025

Эх дагины эдэлж хэрэглэж байсан хосгүй үнэт үзмэрүүдийг дэлгэжээ

16/09/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.