Японы нэрт зохиолч Мүраками Харүки ирэх долдугаар сард шинэ романаа худалдаанд гаргах болсныг “Shinchosha” хэвлэлийн газар зарлажээ. Зохиолч ийнхүү гурван жил завсарласны эцэст шинэ бүтээлээр уншигчидтайгаа уулзах гэж байна.
“Кахогийн үлгэр” нэртэй уг романд 26 настай зурагт номын зохиолч Кахо хэмээх бүсгүйн тухай өгүүлэх юм байна. Энэ нь Мүракамигийн хувьд эмэгтэй хүнийг зохиолынхоо гол дүр болгон бичсэн анхны тохиолдол юм.
352 хуудастай уг роман нь 2024 оны зургаадугаар сараас 2026 оны гуравдугаар сар хүртэл хугацаанд утга зохиолын “Shincho” сэтгүүлд дөрвөн хэсэг болон хэвлэгдсэн “Кахо” цувралыг нэгтгэж, шинэчлэн бичсэн зохиол аж.
Уг зохиолын эхний хэсгийг англи хэл рүү Филип Габриэл орчуулсныг 2024 онд “The New Yorker” сэтгүүлд хэвлүүлж байжээ. Шинэ роман долдугаар сарын 3-ны өдөр хэвлэмэл болон дижитал хувилбараар худалдаанд гарах гэнэ. Зохиолчийн сүүлийн роман “The City and Its Uncertain Walls” 2023 онд хэвлэгдэж байжээ.
