Сугарсүрэн бол Монголын анхны бодибилдингийн эмэгтэй тамирчдын нэг бөгөөд анхны фитнес мисс, мөн анхны Олон улсын хэмжээний мастер бүсгүй юм. Тэрээр Азийн аварга шалгаруулах тэмцээний хошой мөнгө, Зүүн азийн аваргын алт, мөнгө, Монгол улсын хошой аварга зэрэг олон шагналуудын эзэн. Мөн Монголын эмэгтэй тамирчдыг дасгалжуулан, олон улсын тэмцээнд бэлтгэж, А зэрэглэлийн шүүгчийн эрхтэйгээр тэмцээнүүдэд оролцдог аж.
Сугарсүрэн өнгөрөгч 11-р сарын 13-наас 18-ны хооронд Унгар улсад зохиогдсон Дэлхийн аварга шалгаруулах тэмцээнээс “Боди фитнес мисс” ангилалд эх орноо төлөөлөн оролцож шагналт 6-р байрт шалгарсан амжилтыг үзүүлжээ. Монголын анхны гэх олон тодотголын эзэн болсон гайхалтай хөдөлмөрч, тамирчин, үзэсгэлэнт бүсгүйдээ цаашдын олон олон тэмцээнүүдэд нь амжилт хүсье!
Эх сурвалж:cosmopolitan.mn
