Гомбын Сэр-Одын нэрэмжит шагналт яруу найрагч Н.Минжинсайхан, залуу яруу найрагч Э.Гантулга, Г.Баяр нарын гурвалсан номын баяр энэ сарын 24-ний 12 цаг 24 минутад “Интер ном” номын их дэлгүүрт болoхоор болжээ. Эдгээр яруу найрагч нэгэн үеийн яруу найргийн андууд юм. Саяхан яруу найрагч Н.Минжинсайхан яруу найргийн “Навчис залбирхад”, дууны шүлгийн “Шувуудын ай” нэртэй номуудаа хэвлүүлсэн бол залуу яруу найрагч Э.Гантулга “Хөх тойрогт”, Г.Баяр “Танихгүй цэцгийн үр” нэртэй номуудаа тус тус уншигчиддаа өргөн барьсан юм.
Сонирхуулахад, энэ сарын 21-нд болсон МЗЭ-ийн шилдэг бүтээл шалгаруулах “Алтан өд” наадмаас яруу найрагч Г.Баярын “Танихгүй цэцгийн үр” ном яруу найргийн төрөлд “Алтан өд” хүртсэн юм.
