Реппер Trishna энэ сарын 26-нд аймшгийн баярыг угтан энэ жилийн хамгийн галзуу, сонсогч, үзэгчидтэйгээ хамтарсан буюу амьд үзүүлбэрүүдийг “Зайсан хилл”-д хийхээр бэлдэж байна. Энэхүү тоглолт нь үзэгчдэд маркетингийн ажлуудаас эхлэн тоглолт хүртэл кино үзэж буй мэт сэтгэгдэл төрүүлэхүйц зохиолтой байх аж. Зохиолд гарах газар нь сэтгэцийн эрүүл мэндийн эмнэлэг. “Whitegate asylum” буюу эмнэлгийн эмч нь доктор Trishna.
Тэрбээр сэтгэцийн эрүүл мэндийн эмнэлгийг сонгосон шалтгаанаа “Аймшгийн баяртай уялдуулсан боловч нөгөө талаараа өнөөдрийн бухимдалтай нийгэмд амьдарч буй хүмүүст сэтгэцийн эрүүл мэнд нь бие махбодын эрүүл мэндээс дутахааргүй чухал асуудал гэдгийг дахин сануулах явдал” гэсэн юм.
Монголд анх удаа хөгжим, гэрэл, лед визуал, тусгай эффект бүгдийг нь автоматжуулан үзэгчдэд цоо шинэ мэдрэмжийг төрүүлэхээр зороьж буй эл тоглолтод “Нисванис” хамлаг, реппер 168, Wolfizm, Moltogchin зэрэг уран бүтээлчид өөрсдийн уран бүтээлээс хүргэнэ.
