Улс төр, шашин шүтлэг, садар самуун агуулга, хараал ерөөлтэй зэргээр хориглож, шатаалгасан сод бүтээлүүд тоймгүй олон. Бидэнд тийм хаалттай байсан цаг саяхан. Харин нэгэн цагт унших эрхгүй байсан уран зохиолын сонгодог, бестселлер бүтээлүүдийг эмхэтгэн, түүвэрлэсэн “33 хориотой ном” бүтээлийн нээлт өнөөдөр буюу энэ сарын 24-ний өдөр Америкийн соёл, мэдээллийн төвд буюу Нацагдоржийн номын санд 12:00 цагт болох бөгөөд сонирхсон хүн бүрт нээлттэй юм байна.
