Монголын орчин үеийн хөгжмийн ертөнцөд өөрсдийн өнгө төрхийг хэдийнээ таниулж, байр сууриа эзэлсэн хамтлаг бол “Киви”. 2004 оны арванхоёрдугаар сарын 1-ний өдөр байгуулагдсан тус хамтлагийн 20 жилийн ой энэ онд тохионо.
Өнгөрсөн 20 жилийн хугацаанд “Киви” хамтлаг 2006 онд “Хүслээ хэлнэ”, 2007 онд “Гурван сэтгэл, нэг хүсэл”, 2008 онд “Чамд амжилт хүсье”, 2009 онд “Хүсэл”, 2010 онд “Бидний дурлал”, 2013 онд “Greatest Hits”, 2013 онд “Киви 2014” зэрэг цомгууд гаргасан бөгөөд одоо ч сонсогчдын дунд дуулагдсаар буй хит уран бүтээлийн эзэд юм.
“Киви” хамтлаг 20 жилийн ойн “Special concert”-оо ирэх арваннэгдүгээр сарын 30, арванхоёрдугаар сарын 1-нд “АСА арена”-д хийх ажээ. Тоглолтын ерөнхий найруулагчаар “Skin” энтертайнментийн үүсгэн байгуулагч Б.Анар ажиллах юм байна.
