Өмнөд Солонгосын дуу зохиогч, реппер, “Big Bang” хамтлагийн ахлагч G-Dragon эргэн уран бүтээлээрээ сонсогчидтойгоо “уулзах” гэж буйгаа хэдхэн хоногийн өмнө инстаграм хуудсаараа дамжуулан мэдэгдэж, шинэ дууныхаа тизер бичлэгүүдийг цацсан.
Тэгвэл өчигдөр “Power” хэмээх нэртэй шинэ дуугаа олны хүртээл болголоо.
Энэ нь тэрбээр долоон жилийн дараа ганцаарчилсан уран бүтээлээ хүргэж буй явдал юм. Тэрбээр хамгийн сүүлд 2017 онд “Untitled, 2014” синглийг гаргаж байв.
Ташрамд, дурдахад, тэрбээр энэ оны “Mama awards”-д оролцоно. Түүний хувьд есөн жил завсарласны эцэст Азийн хамгийн алдартай хөгжмийн шагнал гардуулах ёслолд оролцох гэж буй нь энэ юм.
