Монгол Улсын Гавьяат жүжигчин Балдандоржийн Туяа “Инээд түгээсэн 50 жил минь” уран бүтээлийн тоглолтоо энэ сарын 3-нд буюу ирэх ням гарагт “UB palace”-т хүргэхэд бэлэн болжээ.
Гавьяат жүжигчин Б.Туяа нь 1974 онд урлагт анх хөл тавьж, уран бүтээлийн гараагаа Улсын хүүхэд, залуучуудын театрт 1990 он хүртэл ажиллаад, түүнээс хойш хошин урлагийн театрыг байгуулалцан, ажиллаж ирсэн юм.
“Инээд түгээсэн 50 жил минь” тоглолтод Ардын багш, Гавьяат жүжигчин Л.Чаминчулуун, Гавьяат жүжигчин, ятгачин Ч.Мөнх-Эрдэнэ, Гавьяат жүжигчин Д.Цэрэндарьзав, Гавьяат жүжигчин, дуучин Ч.Бат-Эрдэнэ, Гавьяат жүжигчин Н.Ариунболд, жүжигчин Г.Алтаншагай, Танхай ерөөлч Сүхээ, Улсын хүүхэд, залуучуудын театрын уран бүтээлчид, хошин урлагийн хамтлаг, продакшнууд хүндэтгэл үзүүлэн оролцох юм байна.
