Жүжигчин Б.Шинэбаяр УДЭТ-ын уран бүтээлийн хэлтсийн даргаар томилогджээ.
Тус театрын захирал, Төрийн соёрхолт, Урлагийн гавьяат зүтгэлтэн Н.Наранбаатар театрын Захиргааны зөвлөл буюу удирдлагын багийн шинэ бүрэлдэхүүнийг томилохдоо түүнийг тус албан тушаалд томилжээ.
Сонирхуулахад, УДЭТ-ын Уран бүтээлийн хэлтсийн даргаар Б.Шинэбаяраас өмнө Гавьяат жүжигчин Г.Урнаа, Гавьяат жүжигчин С.Болд-Эрдэнэ, найруулагч Б.Хишигзаяа нарын уран бүтээлч тус тус ажиллаж байв.
Жүжигчин Б.Шинэбаяр нь 2014 оноос УДЭТ-ын Уран бүтээлийн хэлтэст жүжигчнээр ажилласан бөгөөд энэ хугацаанд тус театрын
- У.Шекспир “Ромео, Жульетта” Ромео
- Ш.Гүрбазар “Жаргаагүй нар” Нацагдорж
- С.Михалков “Бардам туулай” Бардам туулай
- Б.Цогнэмэх “Тэнгэрийн хүү” Аравт
- Б.Шүүдэрцэцэг “Домогт Ану хатан” Элч
- Д.Равжаа “Саран хөхөө” Хөтлөгч, Дэрмэ түшмэл
- Д.Намдаг “Оролмаа эх” Олны хэсэг
- У.Шекспир “Гамлет” Гильденштрен
- В.Хыго “Парисын Дарь эхийн сүм” Залуу лам
- Т.Габбе “Үнсгэлжин” Түшмэл
- С.Драгунсгая “Онц сурлагатнууд орохыг хориглоно” Эмээ
- М.Сервантес “Кихот ноён” Янгус, Мөргөлчин
- Б.Лхагвасүрэн “Тамгагүй төр” Олны хэсэг
- Ч.Түвшин “Норовын намтар” Математикийн дэвтэр
- Софокл “Эдип хаан” олны хэсэг
- Л.Н.Толстой “Адууны түүх” Офицер, Жанжаа
- О.Элбэгтөгс “Надтай үлдээч” Хосбаяр
- Л.Н.Толстой “Анна Каренина” Офицер
- Б.Брехт “Сычуаны сайн хүн” Шу Фу
- Н.Гоголь “Тоглоомчид” Ихарев
- Б.Лхагвасүрэн “Тамгагүй төр” Хүчир
- Л.Н.Толстой “Анна Каренина” Константин Левин
- Б.Цогнэмэх “Тэнгэрийн хүү” Модун шанью зэрэг уран бүтээд тогложээ.
Тэрбээр 2016 онд Монголын залуучуудын холбооны “Хөдөлмөрийн алдар” цол тэмдэг, 2016 онд Боловсрол, соёл, шинжлэх ухаан, спортын яамны “Жуух бичиг”, 2018 онд Монгол Улсын Соёлын тэргүүний ажилтан цол, тэмдгээр шагнуулж байв.
