Соёл, спорт, аялал жуулчлал, залуучуудын яам, Засгийн газрын хэрэгжүүлэгч агентлаг Соёл, урлагийн газар, Биеийн тамир, спортын улсын хорооноос улс орон даяар зохион байгуулж буй “Соёлын бүтээлч сар” аяны хүрээнд Монголын орчин үеийн уран зохиолыг үндэслэгчдийн нэг, зохиолч, яруу найрагч Дашдоржийн Нацагдоржийн мэндэлсний 118 жил, түүний гэгээн үйлийг сурталчлах, түүний нэрэмжит хэмээгдэн өргөмжлөгдсөн шинэ цагийн мэргэжлийн урлагийн ууган байгууллага УДЭТ-ын 93 жилийн ойг тохиолдуулан “Суут зохиолч их Нацагдорж” бүтээлийн өдөрлөгийг зохион байгуулна.
Өдөрлөгийг энэ сарын 12-нд зохион байгуулах бөгөөд энэ хүрээнд 12:00 цагт Д.Нацагдоржийн хөшөөнд цэцэг өргөх ёслол үйлдэж, 13:00 цагаас “Суут зохиолч их Нацагдорж” өдөрлөгийг тусгай хөтөлбөрийн дагуу зохион байгуулах юм байна.
