Дуучин Кэйша аливаа гаж үйлдлээрээ хүмүүсийг залхаасан Лэди Гагагаас дутахгүй байхыг оролдох болжээ.
Энэ удаа 26 настай дуучин бүсгүй өөрийн хөхөөрөө аялгуу, дуунуудаа зохиодог хэмээн “тэнэгтжээ”. Кэйша хэлэхдээ “Шинэ дуу зохиох болохоороо би гэрлээ унтрааж, бүтэн нүцгэлээд төгөлдөр хууран дээрээ хэвтдэг. Төгөлдөр хуурын товчлуурууд дээр миний хөх хүрэхээр дуугарч буй аязуудыг би шинэ дууныхаа гол суурь аялгуу болгон ашигладаг” гэжээ. Энэ нь түүний анхны “ухаантай” үгнүүд биш юм. Өмнө нь тэрбээр өөрийгөө сүүлтэй төрсөн бөгөөд түүнийг нь эх барих эмч нь тасалж авч байсан хэмээн сонсогчдоо цочроож байсан удаатай гэнэ. Мөн энэ тавдугаар сард нэгэн телевизийн шоуны шууд нэвтрүүлгийн үеэр өөрийнхөө шээсийг уучихаад хэнэг ч үгүй ийм үйлдэл хийсэндээ баяртай байна хэмээн олныг гайхшруулж байсан билээ.
Эх сурвалж www.wikimon.mn
